အစိုးရစက်မှုလက်မှုသိပ္ပံ(သန်လျင်)တွင် မူးယစ်ဆေးဝါးဆိုင်ရာဥပဒေနှင့်ပတ်သက်သော အသိပညာများအား ကျောင်းသား၊ ကျောင်းသူများသိရှိစေရန် သန်လျင်ခရိုင်ဥပဒေရုံးမှ ဥပဒေပညာရှင်မှ (၃-၃-၂၀၂၅) ရက်၊ နေ့လည် (၂) နာရီတွင် အစိုးရစက်မှုလက်မှုသိပ္ပံ (သန်လျင်)၏ စုဝေးခန်းမတွင် မူးယစ်ဆေးဝါးဆိုင်ရာဥပဒေနှင့်ပတ်သက်သော အသိပညာပေး ဟောပြောပွဲကို ကျင်းပပြုလုပ်ခဲ့ပါသည်။

အစိုးရစက်မှုလက်မှုသိပ္ပံ(သန်လျင်) နှင့် သီလဝါအထူးစီးပွားရေးဇုန်၏ လူမှုအကျိုးပြုအစီအစဉ် (TSEZ CSR Program) အရ ပူးပေါင်းဖွင့်လှစ်သော အခြေခံကွန်ပျူတာအသုံးချသင်တန်းကို ရန်ကုန် တိုင်းဒေသကြီး၊ သန်လျင်မြို့နယ်အတွင်း အစိုးရစက်မှုလက်မှုသိပ္ပံ(သန်လျင်)နှင့် သီလဝါအထူးစီးပွားရေးဇုန် ပတ်ဝန်းကျင်ရှိ ဒေသခံများအတွက် ကွန်ပျူတာအခြေခံအသိပညာများ ပိုမိုတိုးတက်စေရန်ရည်ရွယ်၍ (၁-၃-၂၀၂၅) ရက်နေ့မှ (၃၁-၃-၂၀၂၅)ရက်နေ့အထိ အစိုးရစက်မှုလက်မှုသိပ္ပံ(သန်လျင်)တွင် ဖွင့်လှစ်ခဲ့ပါသည်။

သီလဝါအထူးစီးပွားရေးဇုန်တွင် 22nd February 2025 ရက်၊ စနေနေ့တွင်ကျင်းပခဲ့သည့် ပျော်ရွှင်စရာ Community Fun Run ပွဲတော်တွင် အစိုးရစက်မှုလက်မှုသိပ္ပံ (သန်လျင်) ၊မေဂျာပေါင်းစုံမှ ကျောင်းသား၊ ကျောင်းသူများ ဝင်ရောက်ယှဉ်ပြိုင်ခဲ့ပါသည်။